ប្រសិនបើលោកអ្នកយល់ឃើញថា រាល់យប់គេងមិនងាយលក់ ប៉ុន្តែមិនចង់លេបថ្នាំ ឬ ទទួលទានរបស់ជំនួយឱ្យឆាប់គេងលក់ លោកអ្នកគួរតែពិចារណាដាក់កូនរុក្ខជាតិក្នុងបន្ទប់ហើយ ដើម្បីជួយលោកអ្នកគេងបានលក់ស្កប់ស្កល់។
១. ផ្កាម្លិះ
យោងតាមការសិក្សារបស់សាកលវិទ្យាល័យ Wheeling Jesuit University បានឱ្យដឹងថា ផ្កាម្លិះមានសមត្ថភាពជំរុញការគេងរបស់មនុស្ស ខណៈនៅជួយធ្វើឱ្យមានអារម្មណ៍ល្អ និង កាត់បន្ថយការតប់ប្រមល់។ ក្លិនរបស់ផ្កាម្លិះជាអ្នកជួយឱ្យលោកអ្នកគេងបានស្កប់ស្កល់ដោយមិនដឹងខ្លួន។
២. ផ្កាឡាវេនឌ័រ (Lavender)
តាមការស្រាវជ្រាវ ក្លិនរបស់ផ្កាឡាវេនឌ័រមានសមត្ថភាពជួយឱ្យការគេងបានលក់ស្កប់ស្កល់ និងកាត់បន្ថយការថប់បារម្ភ។
៣. ប្រទាលកន្ទុយក្រពើ
មនុស្សភាគច្រើនដាក់ផើងប្រទាលកន្ទុយក្រពើនៅក្រៅផ្ទះ ខណៈដែលវាគួរតែដាក់នៅក្នុងបន្ទប់គេង។ ដើមនេះត្រូវបានគេប្រសិទ្ធនាមថា “ដើមអមតៈ” ដែលបញ្ចេញអុកស៊ីសែនតែ ពេលរាត្រីប៉ុណ្ណោះ ជាហេតុជួយឱ្យលោកអ្នកអាចស្រូបខ្យល់បរិសុទ្ធ ស្រួលខ្លួននៅពេលគេងយប់៕
Y