អ្នកចូលចិត្តស្រាក្រហម អានអត្ថបទនេះអាចនឹងសប្បាយចិត្ត ពេលដឹងពីប្រយោជន៍នៃការទទួលទានស្រាក្រហម ។ យោងតាមការស្រាវជ្រាវថ្មីមួយបង្ហាញឲ្យឃើញថា ការផឹកស្រាក្រហមមួយកែវស្មើនឹងការហាត់ប្រាណ ១ ម៉ោង។ ការសិក្សានេះធ្វើឡើងដោយសាកលវិទ្យាល័យដ៏ល្បីមួយ នៅប្រទេសកាណាដា បានឱ្យដឹងថាស្រាក្រហមមានផ្ទុកសារធាតុមួយចំនួនហៅថា Resveratrol ដែលស្មើនឹងរាងកាយរបស់អ្នកធ្វើលំហាត់ប្រាណ។
ដោយសារធាតុ Resveratrol គឺសំដៅទៅលើស្បែករបស់ទំពាំងបាយជូរក្រហម ផ្លែបឺរីខៀវ ពពួកសណ្ដែក និងបឺរីផ្សេងទៀត វាត្រូវបានគេស្គាល់ថាជាសារធាតុប្រឆាំងអុកស៊ីតកម្មដ៏មានប្រសិទ្ធភាព ដែលការពារដំណាំទាំងនោះពីគ្រោះថ្នាក់បរិស្ថាននានា ហើយស្បែករបស់ទំពាំបាយជូរមានសារធាតុនេះច្រើន ដែលអាចរក្សាផ្លែនេះពីការខូចដោយសារពន្លឺព្រះអាទិត្យ និងជំងឺផ្សិត។
ទោះយ៉ាងណា ការផឹកគ្រឿងស្រវឹង មិនល្អចំពោះសុខភាពនោះទេ។ អ្នកជំនាញសុខភាព ណែនាំឲ្យផឹកស្រាក្រហម ត្រឹមតែ ១កែវប៉ុណ្ណោះ ក្នុងរយៈពេល ២សប្ដាហ៍ ដើម្បីទទួលបានសុខភាពក្រពះ-ពោះវៀនល្អ។