រុស្ស៊ី៖ មន្ត្រីជាន់ខ្ពស់របស់រុស្ស៊ី និងជាទីប្រឹក្សាជិតស្និទ្ធរបស់លោកប្រធានាធិបតី Vladimir Putin បានព្រមានអំពី “សង្គ្រាមនុយក្លេអ៊ែរពេញបន្ទុក” ប្រសិនបើសម្ព័ន្ធណាតូបន្តសម្រុកបញ្ជូនអាវុធចូលអ៊ុយក្រែន។
នៅក្នុងការ បង្ហោះដ៏ក្ដៅគគុក ទៅកាន់អ្នកប្រើប្រាស់ Telegram ជិតមួយលាននាក់នៅព្រឹកនេះ លោក Medvedev អនុប្រធានក្រុមប្រឹក្សាសន្តិសុខជាតិរុស្ស៊ី បានសរសេរថា “បណ្តាប្រទេសណាតូដែល សម្រុកដឹកសព្វាវុធចូលអ៊ុយក្រែន ការបណ្ដុះបណ្ដាលកងទ័ពឱ្យប្រើប្រាស់ឧបករណ៍លោកខាងលិច ការបញ្ជូនទាហានស៊ីឈ្នួល និងសមយុទ្ធរបស់ប្រទេសសម្ព័ន្ធមិត្តនៅជិតព្រំដែនរបស់យើង បង្កើនលទ្ធភាពនៃការដោយផ្ទាល់ និង ជម្លោះបើកចំហរវាងណាតូ និងរុស្ស៊ី ។ លោក Medvedev បានបន្ថែមថា ជម្លោះបែបនេះតែងតែមានហានិភ័យនៃការប្រែក្លាយទៅជាសង្រ្គាមនុយក្លេអ៊ែរពេញលេញ ហើយនេះនឹងជាសេណារីយ៉ូដ៏មហន្តរាយសម្រាប់មនុស្សគ្រប់គ្នា”។