គ្រាប់ជីរ ជាគ្រាប់ធញ្ញជាតិមានដើមកំណើតនៅប្រទេសម៉ិចស៊ិក និងដាំដុះដោយជនជាតិ Aztecs ប៉ុន្តែសព្វថ្ងៃគ្រាប់ជីរមានដាំនៅគ្រប់ទីកន្លែង ហើយគ្រាប់ធញ្ញជាតិនេះសំបូរទៅដោយសារធាតុចិញ្ចឹមដែលជួយដល់រាងកាយច្រើនយ៉ាង ។ ជាតិសរសៃជួយដល់ការសម្រកទម្ងន់ដោយធ្វើឲ្យមានអារម្មណ៍ថាឆ្អែតបានយូរ ហើយគ្រាប់ជីររីកនៅពេលដែលស្រូបយកជាតិទឹក។ វិធីញ៉ាំងាយស្រួលគឺគ្រាន់តែបន្ថែមគ្រាប់ជីរ មួយទៅពីរស្លាបព្រាកាហ្វេទៅក្នុងទឹកមួយកែវ និងផឹកទឹកគ្រាប់ជីរនោះជាការស្រេច។ គ្រាប់ធញ្ញជាតិនេះក៏អាចកំចាត់ខ្លាញ់ក្បាលពោះដែរ។
ខាងក្រោមនេះ គឺជារបៀបធ្វើ ភេសជ្ជៈផ្សំរវាងម្នាស់ ក្រូចនិងគ្រាប់ជីរ ជាថ្នាំសម្រកទម្ងន់ពូកែលេខ ១
គ្រឿងផ្សំ៖
– គ្រាប់ជីរ ២ ស្លាបព្រាបាយ
– ទឹកខ្លះ
- ក្រូចពោធិ៍សាត់ ១ ផ្លែ (បកសំបករួច)
– ម្នាស់ ២ ចំណិត
– ស្ករ ដាក់ដើម្បីឱ្យមានជាតិផ្អែម (កុំដាក់ច្រើន)
របៀបធ្វើ៖
យកគ្រាប់ជីរត្រាំទឹកចោលឱ្យរីក។ បន្ទាប់មកទៀតលាយគ្រឿងផ្សំទាំងអស់ចូលគ្នា ហើយកិនក្នុងម៉ាស៊ីនក្រឡុកឱ្យសព្វចូលគ្នារួចពិសាជាការស្រេច។ ពិសាឱ្យបានញឹកញាប់ក្នុងមួយសប្តាហ៍ លោកអ្នកនឹងសង្កេតឃើញទម្ងន់ចាប់ផ្តើមស្រក ជាពិសេសក្បាលពោះសម្បូរខ្លាញ់របស់លោកអ្នកតែម្តង៕