លោកវេជ្ជបណ្ឌិត Pornthip Siriwattana Rangsan អគ្គនាយកនៃនាយកដ្ឋានសុខាភិបាលថៃ បានប្រាប់ពីរបៀបទាញយកអត្ថប្រយោជន៍ឱ្យអស់ពីផ្លែចេក ព្រោះមនុស្សភាគច្រើនមិនទាន់ចេះទាញយកប្រយោជន៍ពីវានៅឡើយទេ។ចេកសម្បូរទៅដោយគុណតម្លៃសារជាតិចិញ្ចឹមសម្រាប់រាងកាយ។ មនុស្សជាទូទៅទទួលទានចេកស្ទើររៀងរាល់ថ្ងៃ ប៉ុន្តែមិនបានទទួលអត្ថប្រយោជន៍ពីចេកអស់នោះឡើយ។
នេះជារបៀបមើលចេកណាដែលសម្បូរជីវជាតិនិងវីតាមីន និងរបៀបទទួលទានចេកដើម្បីទទួលបានអត្ថប្រយោជន៍អស់ពីលទ្ធភាពក្នុងផ្លែចេក៖
១. គួរទិញចេកណាដែលមានរាងមូល ហើយប្រសិនបើវាមានរាងត្រីកោណ នោះវាមិនសូវសម្បូរវីតាមីន និងជីវជាតិចិញ្ចឹមទេ។ ២. អ្នកគួរជ្រើសរើសចេកណាដែលមាន ១៤ ទៅ ១៥ ផ្លែក្នុងមួយស្និត ព្រោះចេកនៅកណ្តាលគេ សម្បូរទៅដោយវីតាមីន និងជីវជាតិចិញ្ចឹមបំផុត។ ៣. អ្នកគួរទិញចេកខ្ចី រួចបេះវាចេញពីស្និតឱ្យអស់ដា.ច់ដោយឡែកពីគ្នា ហើយយកចេកនោះច្រកថង់បិទជិត ក្លាសេក្នុងធុងទឹកកក ឬទូទឹកកក ១ ទៅ ២ ថ្ងៃ។ ក្រោយមកវានឹងទុំល្មមសម្រាប់ទទួលទាន និងមិនខូចគុណភាពថែមទៀត។
របៀបទទួលទានចេកឱ្យបានអត្ថប្រយោជន៍ពីចេក៖ ១. បកចេកពីគល់មកវិញ ហើយពិសាទាំងសរសៃវែងៗរបស់វា ព្រោះវីតាមីនភាគច្រើនគឺផ្ទុកក្នុងនោះតែម្តង។ ២. គួរពិសាចេកស្ងោរ ព្រោះពេលស្ងោរទៅ ចេកនឹងកាន់តែសម្បូរជាតិកាល់ស្យូម៕
ខាងក្រោមនេះជាអត្ថប្រយោជន៍ធំៗទាំង៥របស់ផ្លែចេក៖
១. សម្រួលសម្ពាធឈា.ម៖ សម្ពាធឈា.មឡើងខ្ពស់គឺជាមូលហេតុដែលបង្កឱ្យមានបញ្ហាជាច្រើនដូចជា ជំងឺបេះដូង ដាច់សរសៃឈា.មក្នុងខួរក្បាល ខ្សោយតម្រងនោម និងជំងឺនៅខួរក្បាលជាដើម។ ដើម្បីដែលបញ្ចុះសម្ពាធឈា.ម អ្នកគួរទទួលទានអាហារណាដែលមានសារជាតិប៉ូតាស្យូម(potassium) ហើយផ្លែចេកគឺជាប្រភពនៃសារជាតិនេះ។
ផ្លែចេកជាទូទៅក្នុងមួយផ្លែមានផ្ទុកនូវសារជាតិ ប៉ូតាស្យូមមិនតិចជាង១២ភាគរយដែរ ដែលអង្គការសុខភាពពិភពលោកបានណែនាំឱ្យមនុស្សដែលមានបញ្ហាសម្ពាធឈា.មគួរទទួលទានអាហារដែលសំបូរជាតិប៉ូតាស្យូមឱ្យបានច្រើន។
២. គ្រប់គ្រងការឃ្លានអាហារ៖ ផ្លែចេក (Banana)សំបូរទៅដោយសារជាតិសរសៃ (Fiber)ដែលមានអត្ថប្រយោជន៍មិនតិចទេ។ វាជួយបន្ថយកំរិតកូលេស្តេរ៉ូល ឬជាតិខ្លាញ់ក្នុងឈា.ម សម្រួលចលនាពោះវៀន គ្រប់គ្រងជាតិស្ករក្នុងឈា.ម និងជួយរក្សាទម្ងន់បានល្អ។ សារជាតិសរសៃនេះទៀតសោត ជួយបន្ថយល្បឿននៃការរំលាយអាហាររបស់ក្រពេះ ដែលជាហេតុធ្វើឱ្យអ្នកមានអារម្មណ៍ឆ្អែតបានយូរបន្ទាប់ពីញ៉ាំហើយ ក្នុងលក្ខខណ្ឌដែលអ្នកចង់កាត់បន្ថយចំនួនកាឡូរី និងសម្រកទម្ងន់។
៣. បញ្ចៀសជំងឺមហារីក៖ តាមការស្រាវជ្រាវរបស់ American Institute for cancer research បានបង្ហាញថា អាហារដែលមានសារជាតិសរសៃ (Fiber)ជួយកាត់បន្ថយឱកាសនៃការកើតជំងឺមហារីកពោះវៀនធំ ហើយវីតាមីន C ដែលមាន ១៧ភាគរយនៅក្នុងផ្លែចេកជួយកាត់បន្ថយជំងឺមហារីកបំពង់រំលាយអាហារ (Esophageal cancer)។ ដូច្នេះការទទួលទានផ្លែកចេករាល់ថ្ងៃពិតជាអាចបញ្ចៀសសជំងឺមហារីកបាន។
៤. ជំនួយកម្លាំងអ្នកលេងកីឡា៖ តាមរយៈការស្រាវជ្រាវធ្វើឡើងដោយសាកលវិទ្យាល័យមួយរបស់អាម៉េរិក ( Appalachian State University) បានបញ្ជាក់ថា ការទទួលទានផ្លែចេកមុននិងចន្លោះពេលហាត់ប្រាណអាចជួយផ្តល់កម្លាំងបន្ថែម ដោយសារតែជាតិស្ករ (Carbs) ដែលមាននៅក្នុងផ្លែចេកអាចបំប្លែងទៅជាថាមពល ក៏ដូចជាប៉ូតាស្យូមដែលអាចជួយកាត់បន្ថយការបាត់បង់ជាតិទឹកនៅក្នុងរាង្គកាយបានច្រើន។
៥.ធ្វើឱ្យឆ្អឹងរឹងមាំ៖ ផ្លែចេកជាជម្រើសដ៏ល្អបំផុតសម្រាប់អ្នកដែលចង់បានឆ្អឹងរឹងមាំដោយរូបមន្តធម្មជាតិ។ ផ្អែកលើការសិក្សាជាច្រើនបានបញ្ជាក់ថា អាហារដែលសំបូរសារជាតិប៉ូតាស្យូម អាចកាត់បន្ថយបញ្ហាពុកឆ្អឹងបានច្រើន។ លើសពីនេះទៅទៀត ផ្លែកចេកជួយបញ្ចៀសជំងឺពុកឆ្អឹងនេះផងដែល។
