ចំណីអាហារដែលយើងញ៉ាំនៅពេលបច្ចុប្បន្ននេះសម្បូរទៅដោយជាតិគីមី ព្រោះកាប្រើប្រាស់ថ្នាំឲ្យឆាប់បានផល បូករួមថ្នាំជួយរក្សាទុកបានយូរទៀតនោះ ហើយពេលយើងញ៉ាំទាំងមិនលាងសម្អាតត្រឹមត្រូវ វានឹងកកកុញក្នុងខ្លួន។ ក្រោយមកនឹងត្រូវសាយភាយចេញមកពីរាងកាយ ដែលបង្ហាញឲ្យយើងដឹង ព្រោះបម្រែបម្រួលមួយចំនួន។
មិនត្រឹមចំណីអាហារសម្បូរជាតិគីមីច្រើននោះទេ បើសូម្បីបរិស្ថានជុំវិញកន្លែងរស់នៅមិនល្អរាងកាយច្បាស់ជាមានផ្ទុកជាតិពុលដូចគ្នា។ នៅពេលណាដែលរាងកាយមានសភាពបែបនេះ បញ្ជាក់ថា ក្នុងខ្លួនយើងពោរពេញទៅដោយជាតិពុល និងត្រូវរកមធ្យោបាយកម្ចាត់ចេញ បើមិនដូច្នេះទេនឹងបង្កទៅជាបញ្ហាសុខភាពធ្ងន់ធ្ងរ។
ពេលជាតិពុលទាំងនោះ ផ្សំផ្តុំគ្នាដល់កម្រិតខ្លាំងនោះ សញ្ញាមួយចំនួននឹងកើតមានឡើងលើរាងកាយ ហើយយើងអាចមើលឃើញជាក់ស្តែង។
១. ការទល់លាមកកើតឡើងមានជាញឹកញាប់
២. ឈឺក្បាលញឹកញាប់
៣. មានក្លិនក្លៀកមិនល្អ ដោយមានញើសក្លៀក
៤. ឧស្សាហ៍ឈឺចុកចង្កេះ
៥. ស្បែកដៃរបក ឬប្រះ
៦. មានបញ្ហាគេងមិនលក់ គេងមិនស្កប់
៧. ឡើងទម្ងន់យ៉ងលឿន
៨. ខ្យលដង្ហើមមានក្លិនមិនល្អ
៩. ក្រចកដៃមានស្នាមកង្វក់ខុសពីធម្មតា
១០. សក់ជ្រុះច្រើនខុសធម្មតា