ជាការពិតណាស់ ចំពោះអ្នកដែលមានក្បាលពោះសម្បូរខ្លាញ់ ច្បាស់ជាងចង់បានក្បាលពោះរាបស្មើរ តែធ្វើយ៉ាងណាបើរវល់រកពេលហាត់ប្រាណមិនមាន? ថ្ងៃនេះយើងយើងនឹងប្រាប់ពីរូមមន្ត សម្រាប់អ្នកខ្ជិលហាត់ប្រាណ តែចង់បានក្បាលពោះរាបស្មើ ជាមួយនឹងភេសជ្ជៈមួយនេះ ដែលវាដើរតួសឹងតែដូចការហាត់ប្រាណសម្រកក្បាលពោះ ១០០ របៀបយ៉ាងអ៊ីចឹង។
ជាការពិត គ្មានវេទមន្តណាមួយអាចប្រែក្លាយលោកអ្នកទៅជាតារាបង្ហាញម៉ូតក្បាលពោះរាបស្អាតនោះឡើយ ប៉ុន្តែយ៉ាងហោចណាស់ រូបមន្តមួយនេះបូករួមនឹងរបបអាហារល្អដល់សុខភាពនឹងជួយលោកអ្នកថយចុះក្បាលពោះបានច្រើនសង់ទីម៉ែត្រដែរ។
គ្រឿងផ្សំ
១. ទឹកខ្ទិះអាល់ម៉ុង ៥០០ មិល្លីលីត្រ
២. ចេកក្លាសេកក ចំនួន ២ ផ្លែ
៣. ប្រេងដូង ២ ស្លាបព្រាបាយ
៤. យ៉ាអួ ២ ស្លាបព្រាបាយ
៥. ទឹកឃ្មុំ ២ ស្លាបព្រាបាយ
របៀបធ្វើ
ដាក់គ្រឿងផ្សំទាំងអស់ចូលក្នុងម៉ាស៊ីនក្រឡុក ហើយក្រឡុកវារយៈពេលបីបួននាទី។ ចាក់ចូលកែវ រួចសូមអញ្ជើញទទួលទានតាមការគួរ។ លោកអ្នកអាចទទួលទានវានៅពេលព្រឹកមិនថាមុនពេល ឬក្រោយបាយព្រឹកនោះឡើយ។ ផឹកវារាល់ថ្ងៃលោកអ្នកនឹងសង្កេតឃើញរង្វង់ក្បាលពោះចាប់ផ្តើមថយចុះបន្តិចម្តងៗ ដោយមិនដឹងខ្លួន៕