លោកយាយ Vangelia Gushterova ដែលត្រូវបានគេស្គាល់ថា Baba Vanga បានបាត់បង់ចក្ខុវិញ្ញាណរបស់លោកយាយតាំងពីអាយុ១២ឆ្នាំក្នុងប្រទេសប៊ុលហ្គារី។ លោកយាយត្រូវបានគេអះអាងថា ព្រះបានប្រទានអំណោយទានពិសេសមួយដោយលោកយាយអាចមើលឃើញអនាគត និងបានទស្សទាយរហូតដល់ឆ្នាំ៥០៧៩។
មនុស្សជាច្រើនបានជឿថា លោកយាយពិតជាមានសមត្ថភាពអាថ៍កំបាំងមិនធម្មតានេះពិតមែន មុនពេលលោកយាយបានស្លាប់ក្នុងអាយុ៨៤ឆ្នាំក្នុងឆ្នាំ១៩៩៦។
ការមើលឃើញធ្លុះអនាគតរបស់លោកយាយរួមមានទាំង សោកនាដកម្ម Chernobyl, ការសុគត់របស់ព្រះនាងម្ចាស់ Diana, ការរំលាយសហភាពសូវៀត និងច្រើនទៀត។
ក្នុងក៏មានការទស្សទាយថា ជំងឺរាតត្បាតក្នុងសកលលោកក្នុងឆ្នាំ២០២២នឹងមិនប្រសើរជាងឆ្នាំ២០២១ឡើយ។
ទំនាយមួយដ៏គួរឱ្យភ្ញាក់ផ្អើលមួយទៀតរបស់លោកយាយបញ្ជាក់ថា អាចម៍ផ្កាយដ៏ចម្លែកហៅថា Oumuamua នឹងត្រូវបញ្ជូនដោយមនុស្សភពក្រៅដើម្បីស្វែងរកជីវិតនៅលើផែនដី ហើយវាអាចចាប់អ្នកធ្វើជាទសករ។
ក្នុងនោះនៅឆ្នាំ២០២២ដដែល លោកយាយបានមើលឃើញការរាតត្បាតជំងឺឆ្លងមួយផ្សេងទៀត ជាជំងឺមួយដែលត្រូវបានរកឃើញក្នុងប្រទេសស៊ីបេរី នឹងចេញមកចម្លងពេញសកលលោកដោយសារការផ្លាស់ប្ដូរអាកាសធាតុ។
ហើយយើងក៏បានឃើញវាជាក់ស្ដែងកំពុងកើតឡើងផងដែរ ដោយអង្គការសុខភាពពិភពលោកបានអំពាវនាវឱ្យចាត់វិធានការបន្ទាន់នៅអឺរ៉ុបជុំវិញជំងឺអុតស្វា (Monkeypox) បន្ទាប់ពីករណីកើនឡើងបីដង ដែលជំងឺនេះធ្វើឱ្យដំបៅពេញខ្លួនដូចកើតជំងឺអេដស៍ដំណាក់កាលចុងក្រោយ និងគ្រុនក្ដៅមិនឈប់។ ពិតណាស់ ជំងឺផ្ទុះមួយផ្សេងទៀតនោះ គឺជាជំងឺអុតស្វានោះឯង៕
