រដ្ឋមន្ត្រីឥណ្ឌាម្នាក់ដែលផឹកទឹកកខ្វក់មួយកែវពីទន្លេ “ពិសិដ្ឋ” ដើម្បីបញ្ជាក់ប្រាប់អ្នកស្រុកថាវាមានសុវត្ថិភាព ត្រូវបានបញ្ជូនទៅមន្ទីរពេទ្យបន្ទាប់ពីធ្លាក់ខ្លួនឈឺ។
លោក Bhagwant Mann នាយករដ្ឋមន្រ្តីនៃរដ្ឋ Punjab ត្រូវបានបញ្ជូនតាមយន្តហោះទៅកាន់ទីក្រុង New Delhi បន្ទាប់ពីផឹកទឹកទន្លេកខ្វក់ចេញពីទន្លេ Kali Bein ។
វីដេអូដែលបង្ហាញពីលោក Mann ដួសទឹកមួយកែវ ហើយផឹកទឹកកខ្វក់នោះ បានល្បីពេញពិភពលោក។
ពីរបីថ្ងៃបន្ទាប់ពីផឹកទឹកទន្លេនោះលោក Mann ចាប់ផ្តើមត្អូញត្អែរពីការឈឺក្រពះ។
គាត់ត្រូវបានគេនាំទៅមន្ទីរពេទ្យ Apollo Indraprastha ក្នុងក្រុង Sarita Vihar ហើយត្រូវបានគេអនុញ្ញាតឲ្យចូលសម្រាកព្យាបាលមួយយប់។
ក្រុមគ្រូពេទ្យបាននិយាយថា Mann បានឆ្លងមេរោគ ហើយត្រូវបានព្យាបាលដោយក្រុមគ្រូពេទ្យចម្រុះ។
យោងតាម New Indian Express គ្រូពេទ្យបានបញ្ចប់ការធ្វើតេស្តជាច្រើនលើរដ្ឋមន្ត្រីរូបនេះ មុនពេលគាត់ចេញពីមន្ទីរពេទ្យ៕
