រដ្ឋមន្ត្រីមួយរូបបាននិយាយថា ហាងនានាក្នុងប្រទេសបារាំងនឹងត្រូវបានបញ្ជាឱ្យបិទទ្វារនៅពេលប្រើប្រាស់ម៉ាស៊ីនត្រជាក់ និងដាក់កំហឹតលើអំពូលភ្លើង Neon ក្នុងគោលបំណងកាត់បន្ថយការខ្ចះខ្ចាយថាមពលអគ្គីសនី។
រដ្ឋមន្ត្រីអន្តរកាលបរិស្ថានលោកស្រី Agnes Pannier-Runacher បានប្រាប់កាសែត Journal du Dimanche ថាច្បាប់ទាំងនេះដែលមានរួចហើយនៅក្នុងតំបន់មួយចំនួននឹងត្រូវដាក់ឱ្យប្រើប្រាស់នៅទូទាំងប្រទេសបារាំង។
តម្លៃថាមពលនៅអឺរ៉ុបបានកើនឡើងចាប់តាំងពីការឈ្លានពានរបស់រុស្ស៊ីមកលើអ៊ុយក្រែន។
ហាងនានានឹងត្រូវពិន័យរហូតដល់ ៧៧០ដុល្លារអាមេរិក សម្រាប់ការបំពានច្បាប់ម៉ាស៊ីនត្រជាក់នេះ។
អ្នកស្រី Pannier-Runacher បានប្រាប់ស្ថានីយវិទ្យុក្នុងស្រុក RMC ថា ការបើកទ្វារចោលពេលម៉ាស៊ីនត្រជាក់បើកគឺជារឿងមិនទំនងទាល់តែសោះ ។
លោកស្រីនឹងចេញក្រឹត្យចំនួនពីរស្តីពីការខ្ជះខ្ជាយថាមពលនៅប៉ុន្មានថ្ងៃខាងមុខនេះ ។
អ្នកស្រីបានបន្តថា៖ “ទីមួយនឹងពង្រីកការហាមប្រាមលើការផ្សាយពាណិជ្ជកម្មអំពូលភ្លើង ទោះជាទំហំណានៃទីក្រុងចន្លោះពីម៉ោង ០១:០០ ដល់ម៉ោង ៦:០០”។
“ទីពីរនឹងហាមឃាត់ហាងមិនឱ្យបើកទ្វាររបស់ពួកគេចោល ខណៈពេលដែលម៉ាស៊ីនត្រជាក់និងកំដៅកំពុងដំណើរការ” ។
បម្រាមលើពពួកអំពូល Neon បានចូលជាធរមានរួចហើយនៅក្នុងតំបន់ដែលមានប្រជាជនក្រោម ៨០ ម៉ឺននាក់។ អាកាសយានដ្ឋាន និងស្ថានីយ៍ត្រូវបានលើកលែង។
ក្រុមហ៊ុន Shell បានព្រមានថា ការបែងចែកថាមពលមិនអាចត្រូវបានគេដកចេញពីនៅក្នុងសហភាពអឺរ៉ុបទេ ដោយសារតំបន់នេះតស៊ូដើម្បីទប់ទល់នឹងការរំខានដល់ការផ្គត់ផ្គង់ឧស្ម័នពីប្រទេសរុស្ស៊ី។
ប្រទេសបារាំងនៅតែបន្តជួបប្រទះនឹងអាកាសធាតុក្តៅខ្លាំង ដែលបង្កើនតម្រូវការម៉ាស៊ីនត្រជាក់៕
