បុរសម្នាក់មានទំនាក់ទំនងផ្លូវឆ្ងាយជាមួយគូដណ្តឹងហ្វីលីពីនបានឆ្លើយតបទៅនឹងការរិះគន់របស់មិត្តសម្លាញ់របស់គាត់ដែលបាននិយាយថាកូនប្រុសដែលពួកគេមានជាមួយគ្នាប្រហែលមិនមែនជាកូនរបស់គាត់។
Shaun អាយុ ៤១ ឆ្នាំមកពី Botley រដ្ឋ Hampshire បានបង្ហាញខ្លួនក្នុងកម្មវិធី 90 Day Fiancé UK ដែលចាក់ផ្សាយលើ Discovery+ នៅថ្ងៃអាទិត្យ ២៤ ខែកក្កដា។
គាត់បាននៅជាមួយ Christine ដែលរស់នៅក្នុងប្រទេសហ្វីលីពីនជាមួយកូនប្រុសអាយុប្រាំឆ្នាំ Christian តាំងពីឆ្នាំ ២០១៣ បន្ទាប់ពីអ្នកទាំងពីរបានជួបគ្នាតាមអ៊ីនធឺណិតកាលពីឆ្នាំមុន។
ឥឡូវនេះពួកគេទាក់ទងតាមវីដេអូអនឡាញជារៀងរាល់ថ្ងៃ ខណៈដែល Christine ដែលមានកូនបីនាក់ពីទំនាក់ទំនងពីមុន រង់ចាំផ្លាស់ទីទៅចក្រភពអង់គ្លេស។
នៅក្នុងឃ្លីបមួយដែលបានចាក់ផ្សាយនៅថ្ងៃអាទិត្យទី ២៤ ខែកក្កដា មិត្តល្អបំផុតរបស់ Shaun លោក Jimmy បានសម្តែងការព្រួយបារម្ភអំពីប្រាក់ដែល Shaun ផ្ញើលុយទៅគូដណ្តឹងរបស់គាត់ ហើយថែមទាំងបង្ហាញថាគាត់មិនមែនជាឪពុកបង្កើតរបស់កូនប្រុសពួកគេទៀតផង។
អង្គុយជាមួយ Jimmy និងមិត្តភ័ក្តិម្នាក់ទៀតឈ្មោះ Daniel នៅហាងស្រា អ្នកគ្រប់គ្រងផ្នែកអនាម័យ Shaun បាននិយាយថា “ខ្ញុំផ្ញើប្រាក់ទៅ Christine ម្តងក្នុងមួយខែដើម្បីជួយនាង”។
ក្នុងកម្មវិធីនោះគាត់បានពន្យល់ថា គាត់បានផ្ញើ Christine ៤០០ផោន (៤៨០ដុល្លារ) ជារៀងរាល់ខែដោយទុកចាយខ្លួនគាត់តែ ៥០-៦០ផោន (៦០-៧០ដុល្លារ)។
នៅពេលដែល Jimmy សួរសំណួរនេះ Shaun បានឆ្លើយថាគាត់ត្រូវតែ “ចាប់យកឱកាសនៃសេចក្តីស្នេហានេះ” ហើយទទូចនៅតែផ្ញើប្រាក់ឱ្យ Christine ដើម្បីបង្ហាញថាគាត់ស្រឡាញ់នាង។
គាត់ក៏បានទទួចថា គាត់មិនត្រូវការតេស្ដ DNA លើកូនរបស់គាត់ឡើយ ព្រោះកូននោះមុខមាត់ស្រដៀងគាត់សុទ្ធសាធ៕