ចំណុចទី១
– មនុស្សស្មោះត្រង់: គោរពមនុស្សគ្រប់គ្នា និងមិនមើលងាយគេដើម្បីឱ្យខ្លួនឯងមើលទៅមានអំណាចលើអ្នកដទៃ។
- មនុស្សលាក់ពុត: គោរពតែមនុស្សដែលមានអំណាច និងរើសណាស់ថានរណាដែលខ្លួនគួរគោរព ផ្អែកតាមផលប្រយោជន៍ដែលខ្លួនទទួលបានពីបុគ្គលមានអំណាចនោះ។
ចំណុចទី ២
- មនុស្សស្មោះត្រង់: មិនចេះក្បត់បំណងខ្លួនឯងដើម្បីលើកជើងអ្នកដទៃ។
– មនុស្សលាក់ពុត: ត្រូវការឱ្យគេចាត់ទុកខ្លួនជាមនុស្សសំខាន់ និងធ្វើគ្រប់អ្វីៗដើម្បីគេចូលចិត្តខ្លួន ឬ ផ្គាប់ចិត្តខ្លួន។
ចំណុចទី ៣
- មនុស្សស្មោះត្រង់: មិនខ្វល់ឱ្យគេចាប់អារម្មណ៍មកលើខ្លួន ពួកគេរីករាយតាមរបៀបរបស់ពួកគេ។
– មនុស្សលាក់ពុត: ចង់ឱ្យពិភពលោកទាំងមូលចាប់អារម្មណ៍មកលើខ្លួនរហូត និងយល់ថាខ្លួនជាមនុស្សសំខាន់ជាងគេ។
ចំណុចទី ៤
– មនុស្សស្មោះត្រង់: មិនចេះនិយាយអួតអំពីខ្លួនឯង និងចេះដាក់ខ្លួន។
– មនុស្សលាក់ពុត: ចូលចិត្តអួតអំពីខ្លួនឯង ហើយសូម្បីតែរឿងតូចតាចក៏លើកយកធ្វើជារឿងសំខាន់បានដែរ។
ចំណុចទី ៥
– មនុស្សស្មោះត្រង់: សម្តែងមតិត្រង់ៗ ចំៗ មិនចេះលាក់លៀម។
– មនុស្សលាក់ពុត: ជាមនុស្សមុខពីរ ពីមុខនិយាយល្អ ពីក្រោយខ្នងនិយាយអាក្រក់។
ចំណុចទី ៦
– មនុស្សស្មោះត្រង់: តស៊ូអស់ពីសមត្ថភាពដើម្បីធ្វើអ្វីមួយឱ្យទាល់តែបានសម្រេច តែមិនសន្យាឱ្យមនុស្សត្រេកអរទេ។
- មនុស្សលាក់ពុត: សន្យាឱ្យមនុស្សត្រេកអរ ពេលធ្វើមិនបានរកលេសដោះសារ និងមានរឿងលាក់កំបាំងរហូត។
ចំណុចទី ៧
– មនុស្សស្មោះត្រង់: រៀនសូត្រពីអ្នកដទៃ កោតសរសើរ និង យកគំនិតអ្នកដទៃមកបំផុសទឹកចិត្តខ្លួនឯង។
- មនុស្សលាក់ពុត: សម្លឹងមើលតែចំណុចអាក្រក់របស់អ្នកដទៃ ធ្វើឱ្យអ្នកដទៃមានអារម្មណ៍ថាអន់ រីឯខ្លួនឯងមានអារម្មណ៍ថាគ្រាន់បើជាងគេ។
ចំណុចទី ៨
- មនុស្សស្មោះត្រង់: ចិត្តល្អ ចេះជួយយកអាសារគេឯងគ្រប់ពេលវេលា ចង់ឱ្យមនុស្សនៅជុំវិញខ្លួនសប្បាយចិត្ត ដោយគ្មានចង់បានអ្វីត្រឡប់មកវិញឡើយ។
- មនុស្សលាក់ពុត: សម្តីល្អដាក់អ្នកដទៃដើម្បីបានប្រយោជន៍ពីគេ និងធ្វើពើជាមនុស្សល្អតែសំបកក្រៅ៕
